VICU

Fundatu à u IXesimu seculu da l’abitanti di Saone, Vicu hè statu un locu impurtante ind’è l’urganisazione religiosa è amministrativa di a Corsica. À l’epica genuvese, Vicu diventa capitale amministrativa d’una di e pruvince di l’isula. Dopu sarà fattu sottuprifitura di u dipartimentu di u Liamone fine à u 1811. A situazione hà fattu di Vicu u teatru di i cunfronti trà i signori Leca è Genuva per trè seculi. Oghje, Vicu hè u capilocu di a cumunità di e cumune Spelunca-Liamone.
In Vicu, da seculi in quà, ci hè una storia d’amore incù a musica. Grazia à parechji musicanti cum’è L.M Savoyardi, natu in vicu in 1835 è prufessore di musica autore è cumpusitore « d’opérette ». Ci hà lasciatu d’altronde u so nome da chjamà una di e piazze cintrale di u paese. Si pò ammintà dinò à  Anton Leone Rocca chì hà scrittu u cantu di a Passione « Pianto della beata Vergine Maria ».